ധന്യാത്മൻ,
ശ്രീരാഘവപുരം സഭായോഗം വേദവിദ്യാപ്രതിഷ്ഠാനത്തിൻ്റെ നേതൃത്വത്തിൽ കോട്ടയം കുറിച്ചിത്താനത്ത് ഡോ. തോട്ടം ശിവകരൻ നമ്പൂതിരിയുടെ കീഴിൽ ഒരു സാമവേദ ഗുരുകുലപാഠശാല ഉടനെ ആരംഭിക്കുവാൻ ഉദ്ദേശിക്കുന്നു.
പഠിതാക്കൾ പന്ത്രണ്ട് വയസ്സിൽ താഴെ പ്രായമുള്ളവരും ആചരണമുള്ള കുടുംബത്തിൽ നിന്നുള്ളവരും ഇതുവരേക്കുമുള്ള വൈദികസംസ്കാരങ്ങൾ യഥാവിധി അനുഷ്ഠിച്ചവരും ആയിരിക്കണം. സാമവേദികളല്ലാത്ത ഉണ്ണികൾക്ക് ആദ്യം അവരവരുടെ വേദമോതുവാനുള്ള സൗകര്യം ഏർപ്പെടുത്തും.
ഗുരുകുലത്തിൽ പന്ത്രണ്ട് വർഷത്തെ പഠനകാലയളവിൽ ജൈമിനീയസാമവേദവും സംസ്കൃതവും ഒരു ശാസ്ത്രവുമാണ് പാരമ്പര്യരീതിയിൽ അഭ്യസിപ്പിക്കുന്നത്. ഒപ്പം ആധുനികവിദ്യാഭ്യാസവും നൽകും. കുട്ടിയെ ഗുരുകുലത്തിൽ അയച്ച് യഥാവിധി വിദ്യ അഭ്യസിപ്പിക്കുവാൻ താല്പര്യമുള്ള രക്ഷിതാക്കൾ കൂടുതൽ വിവരങ്ങൾക്ക് ബന്ധപ്പെടുക.
വിശ്വാസപൂർവ്വം,
ഡോ. എഗ്ഡ നീലമന ഈശ്വരൻ നമ്പൂതിരി (ഡയരക്ടർ)
+91 94460 28789
ശ്രീകാന്ത് കാരഭട്ടതിരി (ചെയർമാൻ)
+91 94473 22337