ശ്രീരാഘവപുരം സഭായോഗത്തിൻ്റെ ഔഷധസസ്യകൃഷിസംരംഭമായ ഔഷധമിത്ര ഹെർബൽ പ്രൊഡ്യൂസർ കമ്പനി ലിമിറ്റഡിൻ്റെ ചെറുതാഴം ക്ലസ്റ്റർ ഉദ്ഘാടനം നടന്നു.
ശ്രീകൃഷ്ണൻ മതിലകം ഊരാളകുടുംബാംഗം രാമക്കാട് പരമേശ്വരൻ നമ്പൂതിരി, ചാല ഭഗവതിക്ഷേത്രം മേൽശാന്തി പാലക്കൊച്ചി മരങ്ങാട് കേശവൻ നമ്പൂതിരി എന്നിവർ കാട്ടുതെച്ചിത്തൈ നട്ടുകൊണ്ട് ഉദ്ഘാടനകർമ്മം നിർവ്വഹിച്ചു.
പെരിയാട്ട് യൂണിറ്റിൽ നടന്ന യോഗത്തിൽ ഔഷധമിത്ര എം.ഡി. ഹരി തെക്കില്ലം പദ്ധതി വിശദീകരിച്ചു. ഔഷധമിത്ര ഡയരക്ടർ പാച്ചമംഗലം ശ്രീധരൻ നമ്പൂതിരി അദ്ധ്യക്ഷത വഹിച്ചു. ഔഷധമിത്ര ഡയരക്ടർ വെദിരമന വിഷ്ണുനമ്പൂതിരി, സി.ഇ.ഒ. മാങ്ങാട് ഈശ്വരൻ നമ്പൂതിരി, ശ്രീരാഘവപുരം സഭായോഗം ജനറൽ സെക്രട്ടറി ഹരി പേർക്കുണ്ടി വാദ്ധ്യാൻ, ഭരണസമിതി അംഗങ്ങളായ അഡ്വ. ഉണ്ണി മരങ്ങാട്, സുധീഷ് മാങ്കുളം, ചെറുതാഴം ക്ലസ്റ്റർ കോ-ഓർഡിനേറ്റർ ഹരി വാരണക്കോട് എന്നിവർ സംസാരിച്ചു. ഔഷധമിത്ര HPCL ൻ്റെ ബ്രോഷർ എം.ഡി. ഹരി തെക്കില്ലം രാമക്കാട് പരമേശ്വരൻ നമ്പൂതിരിക്ക് നൽകി പ്രകാശനം ചെയ്തു.