സംഗീത ലോകത്ത് നിസ്തുല സേവനം ചെയ്ത അതികായ പ്രശസ്ത മൃദംഗ വിദ്വാൻ ശ്രീ കൊങ്ങോർപ്പിള്ളി പരമേശ്വരൻ നമ്പൂതിരിക്ക് ശ്രീ രാഘവപുരം സംഗീത സഭയുടെ പ്രണാമം.
ഈ അടുത്ത് നവതി ആഘോഷിച്ച അദ്ദേഹത്തെ സംഗീതപ്രേമികളോടൊപ്പം ശ്രീരാഘവ പുരം സംഗീത സഭയ്ക്കും ആദരിക്കുവാൻ സാധിച്ചത് വലിയ അനുഗ്രഹമായി കാണുന്നു. ഔദ്യോഗികമായി അദ്ദേഹം പങ്കെടുത്ത അവസാന പരിപാടി ശ്രീരാഘവപുരം സംഗീത സഭയുടെ ലോഗോ പ്രകാശനം ആണെന്നാണ് മനസിലാക്കുന്നത്.
അദ്ദേഹത്തിൻ്റെ വിയോഗം സംഗീത ലോകത്തിനും നമുക്കും ഒരു തീരാനഷ്ടമാണ്. ആ ആത്മാവിൻ്റെ നിത്യശാന്തിക്കായി പ്രാർത്ഥിച്ചു കൊണ്ട് ശ്രീരാഘവപുരം സംഗീതസഭ ആദരാഞ്ജലികൾ അർപ്പിക്കുന്നു.
ഈ ദുഃഖത്തിൽ അദ്ദേഹത്തിൻ്റെ കുടുംബത്തോടൊപ്പം പങ്ക് ചേർന്നു കൊണ്ട് ശ്രീ രാഘവപുരം സംഗീത സഭ ശ്രീ കൊങ്ങോർപ്പിള്ളി പരമേശ്വരൻ നമ്പൂതിരി അനുശോചന യോഗം 21/09/2021 രാത്രി 8 മണിക്ക് ഗൂഗിൾ മീറ്റിൽ ചേർന്നു.
സംഗീത രംഗത്തെ പ്രമുഖർ ആദരാഞ്ജലികൾ അർപ്പിച്ചു സംസാരിച്ചു.