വേദസത്രത്തിൽ

വേദസത്രത്തിൽ സാന്നിധ്യം അറിയിച്ച് ശ്രീരാഘവപുരം സഭായോഗം വേദ പാഠശാലകൾ

ജഗദ്ഗുരു ശ്രീമദ് ശങ്കരഭഗവത്പാദരുടെ ജന്മദേശമായ കാലടിയിൽ വെച്ചു നടന്ന വേദപാരായണത്തിൽ ശ്രീരാഘവപുരം സഭായോഗം വേദ പാഠശാല ആചാര്യൻമാരും വിദ്യാർത്ഥികളും പങ്കു കൊണ്ടു .

19/05/2023 വെള്ളിയാഴ്ച ജഗദ്ഗുരു ശങ്കരാചാര്യ ദക്ഷിണാമ്നായ ശൃംഗേരി ശ്രീ ശാരദാ പീഠാധിപതി ശ്രീ ശ്രീ ഭാരതീ തീർത്ഥ സ്വാമികളുടെ അനുഗ്രഹത്തിലാണ് വേദപാരായണ ചടങ്ങുകൾ നടന്നത്.

സഭായോഗത്തിന്റെ രണ്ടു പാഠശാലകളിൽ നിന്നായി 10 വിദ്യാർത്ഥികൾ ആചാര്യൻമാരായ ആമല്ലൂർ സംഗമേശൻ നമ്പൂതിരി, കീഴാനെല്ലൂർ ഭവൻ നമ്പൂതിരി എന്നിവരുടെ നേതൃത്വത്തിൽ വേദപാരായണത്തിൽ പങ്കെടുത്തു.