മഹാശിവരാത്രി നാളിൽ ചെറുതാഴം ശ്രീരാഘവപുരം വലിയമ്പലത്തിൽ മഹാദേവന് 11 ദ്രവ്യങ്ങളോടെ രുദ്രാഭിഷേകം നടത്തി.
ശ്രീരാഘവപുരം സഭായോഗം രാമപാദം, ചേറ്റൂർ വേദപാഠശാലകളിലെ വിദ്യാർത്ഥികൾക്ക് ഈ പുണ്യകർമ്മത്തിൽ പങ്കാളികളാകാനുള്ള ഭാഗ്യം ലഭിച്ചു. ജപത്തിനും അഭിഷേകത്തിനും ഉപ്പിലിവാദ്ധ്യാൻ ഗോവിന്ദൻ നമ്പൂതിരി , രാമപാദം യജുർവ്വേദപാഠശാല ആചാര്യൻ ആമല്ലൂർ സംഗമേശൻ നമ്പൂതിരി എന്നിവർ നേതൃത്വം നൽകി.
സഭായോഗത്തിൻ്റെ ആദ്യത്തെ രണ്ടു പാഠശാലകളിലെ 12 കുട്ടികൾ നിലവിൽ യജുർവ്വേദസംഹിത പകുതിയിലധികം മന:പാഠമാക്കിയിരിക്കുന്നു എന്നതിൽ പാഠശാലകൾക്ക് വേണ്ടി തനു -മന-ധനസമർപ്പണം ചെയ്തവർക്ക് അഭിമാനിക്കാം. ഈ പ്രസ്ഥാനത്തെയും സംസ്കൃതിയെയും സ്നേഹിക്കുന്നവർക്കെല്ലാം സന്തോഷിക്കാം.
ധർമ്മോ രക്ഷതി രക്ഷിത:
