മേട സംക്രമ ദിവസം ആശ്രയയുടെ വെളിച്ചമായി ശ്രീരാഘവപുരം ആരോഗ്യ സാമൂഹ്യക്ഷേമ വകുപ്പ്
നന്മയുടെയും സമൃദ്ധിയുടെയും ആഘോഷമായ വിഷുവിന് കാഴ്ചശക്തി നഷ്ടപ്പെട്ട 10 പേർക്ക് കാഴ്ചയായി വെള്ള വടി (White Cane), വിഷു കിറ്റ് എന്നിവ വിതരണം ചെയ്തു.
കാഴ്ച നഷ്ടമായവരുടെ സൊസൈറ്റി ആയ മാതമംഗലം ആശ്രയ സ്വയംസഹായസംഘത്തിൻ്റെ ആസ്ഥാനത്ത് വച്ച് നടന്ന ലളിതമായ ചടങ്ങ് ബഹു. പയ്യന്നൂർ DYSP ശ്രീ. പ്രേമചന്ദ്രൻ ഉദ്‌ഘാടനം ചെയ്തു. ശ്രീരാഘവപുരം ആരോഗ്യ – സാമൂഹ്യക്ഷേമ വകുപ്പ് ചെയർമാൻ ശ്രീ. ഉണ്ണി പുത്തൂർ അധ്യക്ഷത വഹിച്ചു. സഭായോഗത്തിനു വേണ്ടി ശ്രീ. ചെറുകുടൽ ഉണ്ണികൃഷ്ണൻ ആശംസകൾ അർപ്പിച്ചു സംസാരിച്ചു.